काठमाडौँ, २० जेठ (एजेन्सी) — यसै महिना सुरु हुन लागेको फिफा विश्वकपमा पहिलोपटक डेब्यु गर्न लागेको जोर्डनले आफ्नो २६ सदस्यीय अन्तिम टोलीको घोषणा गरेको छ। मुख्य प्रशिक्षक जमाल सेल्लामीले घोषणा गरेको टोलीमा फ्रान्सेली क्लब रेनेसका फरवार्ड मुसा अल-तामारी समेटिएका छन्। यद्यपि, अमेरिका प्रस्थान गर्ने टोलीमध्ये अल-साइलियाका अली ओलवान हालको टोलीमा सबैभन्दा बढी गोल गर्ने खेलाडी हुन्।
एक वर्षदेखि ‘एकिलेस टेन्डन’ (Achilles injury) को चोटका कारण मैदान बाहिर रहेका अनुभवी डिफेन्डर तथा कप्तान एहसान हदाद पूर्ण रूपमा स्वस्थ हुँदै टोलीमा फर्किएका छन्। तर, गत डिसेम्बरमा भएको अरब कपका क्रममा घुँडाको गम्भीर चोट (ACL injury) बोकेका स्ट्राइकर याजान अल-नैमात भने टोलीमा पर्न सकेनन्। उनी अझै पनि चोटमुक्त हुन संघर्ष गरिरहेका छन्।
विश्वकपको समूह ‘J’ मा रहेको जोर्डनले जुन ७ मा स्यान डिएगोमा कोलम्बियाविरुद्ध आफ्नो अन्तिम मैत्रीपूर्ण खेल खेल्नेछ। त्यसपछि जोर्डनले जुन १६ मा अस्ट्रिया र जुन २२ मा अल्जेरियाको सामना सान्टा क्लारामा गर्नेछ भने जुन २७ मा डिफेन्डिंग च्याम्पियन अर्जेन्टिनासँग डलासमा प्रतिस्पर्धा गर्ने तालिका छ।
गोलकिपर: याजिद अबुलाईला (अल-हुसेन), अब्दुल्लाह अल-फाखौरी (अल-वेहदात), नुर बानी अट्टिया (अल-फैसली)।
डिफेन्डर (रक्षक): अब्दुल्लाह नसीब (अल-जावरा), एहसान हदाद, साएद अल-रोसान, सलिम ओबइद (अल-हुसेन), याजान अल-अरब (एफसी सोउल), मोहम्मद अबुअल्नादी (सेलाङ्गोर), हुसाम अबु दहब, अनस बानावी (अल-फैसली), मोहनद अबु ताहा (अल-कुवा अल-जाविया), मोहम्मद अबु हासिस (अल-कर्मा)।
मिडफिल्डर: नुर अल-रावब्देह (सेलाङ्गोर), निजार अल-रशदान (कतार), इब्राहिम सादेह (अल-कर्मा), राजाई आयेद, महमुद अल-मार्दी (अल-हुसेन), आमर जामौस (अल-जावरा), मोहम्मद अल-दाउद (अल-वेहदात)।
फरवार्ड (स्ट्राइकर): मुसा अल-तामारी (रेनेस), ओदेह अल-फाखौरी (पिरामिड्स), मोहम्मद अबु जरेक (राजा कासाब्लान्का), अली अजािजेह (अल-शबाब), इब्राहिम साब्रा (लोकोमोटिभा जाग्रेब), अली ओलवान (अल-साइलिया)।
